Warga palemang maseh kurang sadar akan pentingnyo tertib lalu lintas, terutamo untuk angkot baek, bus kota sampe angkot kecik, yang tekesan sebasengan nyetop di pinggir jalan. Hal ni yang buat resah pengguno jalan, pecak yang sereng tejadi di jalan jendral ahmad yani.
Kota palembang yang pacak di katoke sudem jadi kota merpolis, kerno pacak di selek dari pembangunan infrastruktur, pertumbuhan ekonomi samo mulai padatnyo jalan raya oleh mobil samo motor yang buat jalan jadi macet.
Banyak indikator yang nyebabke jalan rayo jadi macet, mulai dari jalan itu dewek maseh kecik lebarnyo kalah jauh di bandingke mobil yang melintas, samo galaknyo ugal – ugalan sopir angkot baek yang bus kota samo nagkot kecik.
Kejadian ini sering teselek di sekiteran jalan ahmad yani, di daerah ini dewek memang sudem jadi langganan untuk macet, kerno pas ngunokenyo jalanan angkot selalu bae basengan tempat nurunke penumpangnyo.Hal ini dewek yang buat pengguno jalan yang laen resah, kerno amun nak jalan selelu bae tehalang samo angkutan kota pecak bus kota yang stop melintang di tengah jalan.
Hal ini yang di omongke samo alex, nurutnyo, jalanan di sekiteran ahmad yani ini mengang sering nian macet, kemacetan ini dewek di sebabke oleh bus kota yang basengan bae.
Hal yang samo pun di lontarke oleh febri, nurutnyo jalan macet ini banyak di sebabke oleh bus kota yang sebasengan stop, apolagi pas momen mahasiswa nak balek kuliah, hal ini nyebabke resah, kerno untuk nak lewat susah nian.Sealen itu dewek, di sekiteran jalan ahmad yani ini, banyak jugo motor yang sebasengan amun bejalan, contonyo bae ado bemotor ngambek jalur uwong laen, ado yang boncengan betigo, meskipun poisi ado di daerah tersebut, tapi ketertiban lalu lintas susah di atur.
