Pecak ado pepatah yang ngomong, pisang be buah duo kali, mungkin inilah salah sikok contohnyo pisang bebuah duo kali, pisng aneh ini pacak kito temui di jalan perikanan II kemuning. Pisang yang di tanam samo keluargo salman ini, awal mulo nyo, pisang yang aneh ini katek nian nunjuke ciri – ciri yang aneh, samo dengan pisang yang laen, baek itu mulai dari tinggi pisang sampe di buah pisangnyo. Nurut salman, yang punyo pisang ngatoke, mulai teselek aneh, pas pak salman nak nebang pohon pisang ini, kerno pohon pisang ini di tebang kerno pohonyo mulai uletan, jadi biar idak nyebar ke pisang sebelahnyo jadi di tebangnyo. Pas la seinggu itu mulai keluar jantung pisang di siso batang yang di tebang tadi,dak lamo pas jantung pisang itu keluar, jantung tesebut langsung mekar,trus bebntuk buah pisang. Awal mulo bentuk pisang itu idak pulok besak, tapi la sudem 3 minggu ini pisang itu dewek mulai nunjuke perubahan baek itu dari ukurannyo samo panjangnyo. Selaen itu dio jugo nambahke, amun oas nak nebang itu dewek katek firasat, atau sesuatu yang aneh, jadi di tebang bae bae pisangnyo keno sudem ulatan, eh…dak taunyo ado buah pisangnyo. Amun di selek buah pisang ini dewek besak dan manis rasonyo, kerno katek beda samo sekali dengan pisang laen.
