Pengunjung panik, pusat belenan diteror boom

Rabu, 10 Maret 2010 10:36 Sri Febriandi
Email Cetak

Kemarin awan di internasional plaza mbuat pengunjung panik, kerno diisuke ado boom yang siap meledak, kontan hal ini dewek mbuat pengunjung pusat belenan lari ketakutan, hal ini dewek ngakibatke banyak toko yang terpakso tutup kerno isu bom tesebut.

 Palembang kemaren tesentak samo isu bom yang ado di internasional plaza, hal ini dewek tejadi kerno ado yang nelpon ke Internasional Plaza, bahwasanya ado bom yang siap nak meledak di Internasional Plaza. Kontan bae , hal ini dewek buat banyak pengunjung Internasional Plaza lari ketakutan, samo yang punyo toko banayk yang tutup., Aksi ini awalnyo dari pihak manajemen mall Internasional Plaza nerimo telpon dari uwong yang idak, katonyo dio sudem naruh bom, dan bom ini dewek sudem aktif., Amun dari pihak manajemen Internasional Plaza yang nerimo telpon itu ngatoke susah nian nak cirike suaronyo, kerno dari logat bae idak keciren, kerno yang nelpon gunoke bahaso indonesia, trus jugo dio ngatoke ini dari jamaah islamiyah., Informasi ini dewek buat pengunjung samo pemilik tenan di Internasional Plaza langsung bae lari keluar Internasional Plaza untuk nyelamatke diri., Hal ini yang tejadi samo titin, pemilik konter hp di Internasional Plaza, dio ngatoke amun pas denger ado isu bom, dio langsung nutup tokonyo, trus langsung lari keluar untuk ngambek langkah aman.. Hal yang samo pun dirasoke ibu titin, pas lagi nak makan , dio langsung di suruh turun kerno denger ado bom di Internasional Plaza, hal ini buat ibu yang bawak sikok anak ini ketakutan untuk nyelamatke dirinyo., Kejadian ini dwek langsung bae ditanggepi dengan cepet oleh pihak aparat kepolisian, kerno langsung datang tim gegana yang nyisir tiap tempat yang diisukebom itu di tarok, iyolah di atrium Internasional Plaza samo di texas, tapi kejadian ini dewek katek hasel yang di dapet.