Umat Hindu Palembang Nyepi di jeru Pura

Selasa, 16 Maret 2010 10:18 Sulaiman
Email Cetak

Perayaan nyepi tahun baru Saka 1932 idak bae dilakuke secaro hikmat di daerah bali, sekiter ratusan umat hindu di kota palembang jugo ngerayoke nyepi di Pura Penataran Agung Sriwijaya, sikok – sikoknyo pura di kota Palembang. umat Hindu  di sini lebih milih ngisi waktu Nyepi, dengen mbaco buku samo betapo.

Supayo lebih khuyuk samo deket denegn Sang Hyang Widiwasa, sejumlah umat Hindu di kota palembang lebih meleh ngerayoke hari nyepi di jeru Pura Penataran Agung Sriwijaya, yang ngerupoke sikok – sikoknyo pura di kota palembang. Kontan idak katek aktivitas yang serius dilakuke di jeru Pura ini, kerno memang di perayaan Nyepi, umat Hindu idak dibolehke ngelakuke empat halangan, idak boleh ngedopi api, ngelakuke aktivitas, besenang – senang samo bepegian.  Aktivitas yang teslek dilakuke samo umat hindi di jeru Pura yang terletak di kawasan Seduduk Putih ini iolah, mbaco buku, betapo samo ngobrol seadonyo dengen kanti, malahan ado yang ngisi nyepi dengen tedok. kerno memang diperayaan Nyepi umat Hindu jugo ngelakuke puaso, sebage bentuk ketaatan yang dilakuke setahun sekali.  Sementaro itu, jeru perayaan Nyepi ini dewek, intropeksi diri ngerupoke hal yang paleng utama dilakuke utnuk tampel lebih baek lagi kedepannyo. pecak yang disampke samo mangku wayan surga, selaku Pemangku Pura Agung Sriwijaya.  Hari selaso ngerupoke puncak dari perayaan Nyepi, yang sebelumnyo dilakuke beberapo upacara keagaman yang selanjutnyo ngelakuke silahturahmi dengen kerabat di hari berikutnyo sesudem nyepi.