Arwana asia atau iwak hiluk atau yang jugo sereng disebut dengen iwak nago, ngerupoke jenis iwak purba. disebut iwak purba kerno bentuknto ,yang samo dengen nenek moyangnyo. naa iwak yang akrap dengen sungai kapuas ini ternyato, muncul di kota palembang. sekiter 18 iwak arwana super red, beruha narek perhatian warga sungai musi.
Iwak arwana yang identik dengen sungai kapuas, ternyato hader untuk maleng perhatian warga sungai musi. dengen tampelan warno merah yang cerah, memang mulai berhasel maleng perhatian warga, apo lagi dengen uwong yang memang seneng dengen iwak purba ini. Sekiter 18 iwak purba atau jeru bahaso latennyo Scleropages Formous, salah sikok jenis iwak yang dilindungi, hader di salah sikok pusat belenan dengen mamerke liuk lekuk serep si merah cerah asal Jakarta. Terkesan aneh memang, kalo biasonyo si merah biaso ditemui di Kalimantan, ternyato bepusat di Jakarta yang negrupoke tempat perkembang biakan iwak yang konon kabarnyo pacak jadi hoki, bage warga yang mempercayoinyo. iwak jenis Super Red ini memang punyo nilai yang tinggi, kerno ekslusif. jadi dak heran di jeru arwana super red ini jugo ditarok mikro chip utnuk njago keasliannyo. Kerno keunikan bentuk, warno yang cerah ditambah jumlah yang diak banyak , mbuat warga bealesan utnuk meliharo iwak langka ini. pak Tomtowi contohnyo, warga palembang ini malah ngaku punyo banyak iwak arwana di rumah kerno dipercayo jugo pacak ngawak hoki utnuk usahanyo. Utnuk punyo sikok arwana jenis super red ini dewek, maseh tergolong mahal malah sampe angko puluhan juta piha, dak heran amun pecinto iwak arwana ini dateng dari kalangan yang beduet.
